- كلمات وألحان:
- الأخوين الرحباني
- الله معك خيي محجوب
- يا أهلا بالبوسطجي
- في إلك معي مكتوب
- من مين يا بوسطجي؟
- من أسعد إبن شهدان
- من أسعد إبن شهدان! لشو باعتلي مكتوب؟ أنا ما بعرف إقرا بحْيَاتك اقرالي ياه
- لا تواخذني أنا غلطان المكتوب منّوش إلك
- خَيْ حِمِل ونزِل عن ضهري
- المكتوب لَبنتك
- لبنتي؟
- إيه
- عجّل عجّل شفلي شو كاتب، أوعى تكون مطابق معو
- طوّل بالك
- أوعى كلام الغرام
- طوّل بالك
- أوعى الحكي هيك وهيك
- لك طوّل بالك
- أوعى يكون آخد راحتو
- حبيبتي سلمى
- يخلع نيعك خلع
- أنا شو دخلني؟
- لا تواخذني أنا عم بضربو إلو
- هيئة هالمكتوب تقيل، إذا كل جملة بْقَتْلة هالشغلة منّا شغلة
- لا لا كفّي كفّي
- حبيبتي سلمى أنا بتذكر إيّام التلاقي
كنتِ تهربي ونركض عالسواقيولما كنتِ تشوفي أبوكِ نعسان
كنت تندهيلي وأنا إبقى فزعان
هوّي يفوت عالأوضة ونحنا عالليوان
ولمّا نسمع شخيرو نعرف إنّو صرنا بأمان
- آمان آمان
- يالالَلّي آمان
- آمان آمان
- يالالَلّي آمان
- أسعد إبن شهدان ناويلي عَ بنتي
- أسعد إبن شهدان
- الهيئة فيها وما فيها أنا بدّي ربّيها
رح دبّرلي قضيب توت وروح وإنزل فيها- طوّل بالك طوّل بالك
- قدّيش بدّي طوّل
- معلّمة المَدْرَسة جايي لا تحكي قدّاما
- بدّي قرّيها المكتوب
- الله معكُن
- أهلا وسهلا
- إلنا شي؟
- في إلكن جريدِة
- يا معلّمة المدرسة يَالْـ بتضلّي تدرسي اقْريلي هالمكتوب
- تكرم عينك
- عزيزتي سلمى
وبخبّرك عن الدرس عنّا درس كتيروبعد بكرا عنّا فحص جرامّير وتصوير
طمّنيني عن بيّك انشالله يكون مرتاح
أُوعى تخلّيه يتعب بقطف التفاح
بيّك شيخ الأوادم وفي إلو طلّة وهيبة
وانا يا سلمى مشتاق شوفو من بعد الغيبة
- شو القصّة يا بوسطجي
- بِكُن شي؟
- الهيئة كلّ واحد شكل، بدنا شخص تالت
- إجا الشخص التالت
- أهلا بشهدان جيت وألله جابك
- شو في يا إخوان؟
- جيت وألله جابك
- اتفضل إقرا هالمكتوب من إبنك لبنتي
- اسمالله في مراسلات!
- هيك الظاهر
- أيتها الآنسة
من بعد السلامْ وبلا طُولة كلامْبدّي حاكيكي بقضية حتّى ما ننلامْ
بترجّاكي قولي لبيّك يدفع أجار الدكّان
لبيّي شهدان لِأنّو محتاج مسكين وطفران
- آمان آمان
- يالالَلّي آمان
- مبيّن كل واحد شكل
- يالالَلّي آمان
- وإذا جبنا شخص رابع
- رح يقرا عَ ذوقو
- وينيّة الحقيقة؟
- يالالَلّي آمان
- أنا بدّي أعرف
- لا تعرف آمان
- إنتَ لا تفكّر نحنا منفكّر عنّك
إنتَ لا تتدخّل نحنا منتدخّل عنّك- طيب شو بدّي إعمل
- انْبِسط انبسط اشْتِغل وكُول ونام
وطنّش طنّش طنّش